“Милли ишегалды”.

Бүген “Әтнә туган якны өйрәнү музее” гөрләде. Музеебызда “Милли ишегалды” бәйрәме уздырылды. Әлеге бәйрәмдә Әтнә, Теләче, Арча, Биектау, Кукмара районнарыннан, Казан шәһәреннән килгән осталар катнашында һөнәрчелек мәйданчыгы булдырылды. Килгән кунаклар милли күргәзмәләр, осталык дәресләре белән таныштылар. Шулай ук бәйрәмдә “Җанлы кием” татар милли киемнәре тәкъдим ителде. Бәйрәм концерт номерлары белән үрелеп барды. Гореф-гадәтләрне яңарту, үстерү максатыннан, милли уеннар уйналды. Бәйрәм милли рухта үтте. Һәр килүче күңелле мизгелләр алып, ял итеп кайтып китте.
Әлеге проект дәвамлы булсын. Тагын очрашырга насыйп булсын