“Казан арты” музеена экскурсия.

22 апрель көнне Арча шәһәрендә урнашкан “Казан арты” тарих-этнография музеенда экскурсиядә булып кайттык. Г. Тукайның туган көне уңаеннан районыбызның өлкәннәренә шундый зур бүләк ясаган Әтнә Үзәк китапханәсе хезмәткәрләренә рәхмәтебез чиксез. Музейда һәм аның филиалларында (“Әлифба” һәм “Әдәбият һәм сәнгать музее”) тупланган экспонатлар Казан арты халкының тарихы, үткәне, бүгенгесе турында сөйли. Зәвык белән эшләнгән, бай материал тупланган музей заллары һәркемнең күңеленә хуш килде.